THE NEW ANGLO-SAXON CHRONICLE 2009 AD: TIDUNGA ON ENGLISCE MMIX AD
Pointers to monthly sections 2009Jan 2009Feb 2009Mar 2009Apr 2009May 2009Jun 2009Jul 2009Aug 2009Sep 2009Oct 2009Nov 2009Dec
(Back to main page)
Anno MMIX Æfterra Geola
- iv d: Her Israheles fyrd fór on grunde in Beit Hanun ond Beit Lahiya in Gazalande ond in æfterdagum wæs heard gefeoht þærinne.
- xix d: Her wearþ widcuþ þæt in weargdyrnsetle in wealde in Algeriam seo egeslica seocnesse pestis bubonica ofsloh .xl. Al-Qaedisce oððe maran.
- xxvi d: Her in seochuse neam Los Angeles Nadya Suleman acennede eahta cildru ætgædre ond ealle libbedon, ond hira siex wǣron cnapan ond twa wǣron mægð.
- xxxi d: Her neah Molo in Kenya lande fyr wearþ in fyr-ele-berende wægn ond .cxi. aswulton.
Anno MMIX Solmonað
- i d: Her in morgne in Nipponlande se fyrbeorg Asama-yama onwac ond his æsc feoll on Tokyo ceastre.
- vii d: Her in Victoria underrice in Australiam ongunnon manige strange wealdfyr ond acwelledon .clxxiii. oððe maran, ond fordydon ceastra, ond man mæg seon maran ymb þeos fyr her in Wikipediam.
Anno MMIX Hreðmonað
vi d: Her eorþstyren dyde micelne hearm æt L'Aquila ceastre in Abruzzo beorgum in Italiae middan, ond his miht wæs Richter 6.3, ond wæron strange æfterstyrena, ond his acwellede .cclxxxviii. oððe maran, ond man ne mæg findan .xi.. Ond on .x. dæge wæs þeodtogalic1) funeralis for þissum in æweardscólgearde nea L'Aquila. Ond man mæg seon maran ymb þeos her in Wikipediam. Ond in Italisce þæt nama L'Aquila segþ "se earn".

1)state funeral
Anno MMIX Eastermonað
Anno MMIX Ðrimilcemonað
- viii d: Her se papa Benedictus eode to Eastiordanum and wæs þær .iii. dagas.
- xi d: Her se papa fleag of Ammâne in Eastiordanum to Tel Avive in Israhele, ond ǣreste he eode þanon to Yad Vashem Holocaustusgemyndestede.
- xvii d: Her neah Mullaitivu-sǣlace Sri Lankan ríces fyrd fohte wið þæm Tamiliscum Tigridum ond ahte wælstowe gewald, ond man ofsloh Velupillai Prabhakaran þara Tigrida heretogan, ond þæt endode þa langan gúð Sri Lankan ríces wið þǣm Tamiliscum Tigridum, ond seo guð ongann in geare .mxmlxxxv..
- xx d: Her in Java iege eastan Indonesisc fyrdlyftcræft feoll to grunde ond acwellede .xcvii. oððe máran.
Anno MMIX Midsumermonað
- xix d: Her in Afghanistane ongann Operation Panther's Claw to utdrifanne þa Talibanisce of Helmandscire.
- xx d: Her in Irane sum acwellede his self mid utberstende in Ayatollahes Khomeinis byrgungscrine.
- xxv d: Her in Los Angeles forðferde Michael Jackson se mǣra trúð ond he lifde fyftig gearu.
Anno MMIX Æfterra Liða
- xviii d: Her æt Ūfingadene in Sūðseaxnum forðferde Henry Allingham, ond he lifde .cxiii. gearu, ond he wæs se ealdost libbende mann in worulde, ond he wæs se æftemest libbende þe fuhte in þǣm gúðdícum in Flǣmingalande4 in þære ærestre woruldgúðe. Ond on .xxx. dæge his funeralis wæs æt Sancti Nicolai cyrice in Beorhthelmestúne3). Ond he seah þa fyftan acennunga his eaforena.
- xxv d: Her æt Wellum in Sumorsǣtum forðferde Harry Patch, ond he lifde .cxi. gearu, ond he wæs se æftemest libbende þe fuhte in þære ærestre woruldgúðe.
- xxvii d: In þissum wucum habbaþ tiene Bryttiscan feðan gefeallen on Helmandscire on Afghanistane, and se formaþegn Gordon Brown sægde on þæm Witenagemote þe hie fuhton in cempe þe man hat "Panþres Clea" and sige hæfde, forþæm hie gehiersumodon dene on þæm lande swa micel swa Wihtland. Ac on Afghanistane hæbbaþ yflan menn acwelled oððe onsæcced manig þæs leodweard forþæm eftson ceosaþ þa leodware þæs rices foresittend. On þissum gear hæfþ Afghanistan gewesan freo of þæm Bryttiscum Woruldrice siððan hundnigontig gearum, ac Breten nis freo þæs landes wælgeornes folces.
- xxviii d: Her in Afghanistane endode se ǣresta dǣl þæs Operation Panther's Claw ond þenden hit rann man ofsloh .xv. Bryttisce ond manige Talibana ond þa Bryttisce áhton ealla wælstowa gewald.
1) Ovingdean
2) Wells (dative case)
3) Brighton
4) Flanders
Anno MMIX Weodmonað
- vii d: Her Ronald Biggs, þone "Miclan Togwægnreafan", aliesede se Bryttisca Rihtþegn of carcerne. In geare .mcmlxiii. mid þeofscole bereafede he feohful irenwegtogwægn, and þæm drifere geafon hie mánslage. Man afang Biggs ac he abrac of carcerne and afliemede ofersæ on Brasil land, þær bad he twegen and þreotig wintra. In 2001 com Biggs eft on Brytene and on carcerne, ond Brasilisc mægð acennede his sunu. Be ǣwe he wæs freo, ac þurh ieldo ond seocnesse he ne meaht arisan of his legerbedde in seochuse and abideþ his deaþ.
- Her se Friðsǣwisca hweolstorm Morakot hearde sloh þa Phillipinas, ond on .xi. dæge Taiwan, ond on .x. dæge Zhejiang ond Fujian provinciae in Cinalande. Ond seo her in Wikipediam.
- viii d: Her Pakistanes ric segde þæt is wen þæt Americisc fleogende fyrspere ofsloh þone Taliban-togan Baitullah Mehsud ond his wife in Waziristanes suðan on .vi. dæge, ond man byrgede hine neahne æt Nargosey wice.
- Her in huse in Java ieges middan Indonesisce æweadas ascuton mann ond is wen þæt he is se Islamisca weargtoga Noordin Mohammad Top, ond in þæm huse hie fundon .d. kilogrammas utberstenda.
- Her forðferde Corazon Aquino, ond heo lifde .lxxxvi. gearu, ond ǣrra heo rixode þá Philippinas.
- xii d: Her in Basilan ieges middan wealde in Philippine-iegum Philippinisce fyrdmenn fuhton wið .cl. manna þæs Islamiscum herges Abu Sayyāf, ond man ofsloh .xxx. þæs herges oððe maran ond .xxiii. fyrdmenn, ond man wundode .xx. fyrdmenn, ond se here afliemde in þæs ieges weald.
- xiii d: Her æt Ungkaya Pukan ceastre on Basilan iege in Philippin-iegum Philippinisce fyrdmenn fuhton wið þæm wearghere Abu Sayyāf ond seo fyrd ahte wælstowe gewald, ond aswulton .xxiii. þære fyrde ond .xx. þære herges oððe maran.
- xv d: Her in Ibn Taymea masjide in Rafah ceastre in Gazalande Hamasmenn fuhton wið Islamiscum herge gehatenum Jund Ansar Allāh þe segþ Godes Geferena Beornas þe wæron for Al-Qaedan ond Abdul-Latif Mūsa wæs hira heretoga, ond Hamas ahte wælstowe gewald, ond Abdul-Latif Mūsa ofsloh his sylf mid utberstende.
- xx d: Her wæs heahfolccyre in Afghanistane.
- xxi d: Her ongunnon strange swifte wealdfyr in Attica lande in Greclande.
- xxv d: Her forðferde Edward Kennedy broðor þæs John F. Kennedy þurh grawunge in brægne.
Anno MMIX Hærfestmonað
- xv d: Her in Carib-sæwe nea Colombiam þæt Bryttisce guðscip Iron Duke feng fiscungbát gehaten MV Cristal þe bær fyf ond healf þusenda kilogrammas þæs atores cocaine wel gehiden under his hol-flore, ond in Brytene his strǣtweorð wǣre .ccxl. milliona punda, ond man sanc þone fiscungbát ond feng þæt cocaine ond þæs bates menn. Ond þis is þære Bryttiscan Scipfyrde greatost fóung cocaines. Ond is gelicnesse her.
- xvii d: Her se hweolstorm Ketsana sloh þa Philippin-ieg ond macode greatne flod ond hearm ond acwellede .ccxl..
- xxx d: Her tsunami slogon þa Samoa-ieg ond acwellede .mcm. oððe maran.
- Her wæs strang eorþstyren under sæ neah ymb Padang ceastre in Sumatra iege ond hit afiellede manige bold ond dyde micelne hearm ond acwellede .mc. oððe maran, ond his miht wæs Richter 7.6, ond is eges þæt .mmm. aswulton. Ond man wrat ymb þis her in Wikipediam.
- xxix d: Her Bob Ainsworth Brytenes werungscealc ond Alan Johnson Brytenes innanscealc foron to Helmand scire in Afghanistane.
Anno MMIX Winterfylleð
- iv d: Her se stranga hweolstorm Parma sloh Cagayan scir in þæm Philippin-iegum. >br>- v - xx dd: Her se Dalai Lama wæs in Washington ceastre in þæm USAn.
- xii d: Her in Shangla lande neam Swat-dæle in Pakistanes norþwestan selfacwellend macode utberstunge in ceapunge þenden fyrdmenn eodon nea ond acwellede .vi. fyrdmenn, secende acwellan fyrdmenn, ac he eac acwellede .xxxv. ceapiende, ond wundode .xlv. folces. God macie frið ond wisdom.
- xxx d: Her se hweolstorm Mirinae sloh Luzon ieg in þæm Philippinum.
Anno MMIX Blotmonað
- xix d: Her in Cumbralande þe nu hatte Laculand feoll se mǣst regen þe feoll in .xxiv. stundum ā on Brytene, ond macode great flod þe dyde hearm in Coccermúðan ond Weorcingatúne1).
1) Cockermouth, Workington.
Anno MMIX Geolmonað
- xvi d: Her ond in æfterdagum cwom great ond deop snaw to þæs USAn eastan, ond man mæg seon maran ymb þis her in Wikipediam.
- xx d: Her ongann lang wintercyle mid snawe ond forste to Brytene ond Westeuropam.
- xxxi d: Her ond in æfterdagum aswulton .lxxvi. oððe maran þurh horhslidunga in Brazile.