THE NEW ANGLO-SAXON CHRONICLE 2002 AD: TIDUNGA ON ENGLISCE MMII AD
Pointers to monthly sections 2002Jan 2002Feb 2002Mar 2002Apr 2002May 2002Jun 2002Jul 2002Aug 2002Sep 2002Oct 2002Nov 2002Dec
(Back to main page)
Anno MMII Æfterra Geola
- In þissum monðe niw seocnesse gehaten se Norwalk virus wearþ strang in Brytene and heo is swiðe heard ond oferbrædende ond heo eac hatte seo winterspíwungseocnesse and for his mihte swiðe manige ne mihton gan to weorce oððe to leornungstedum, ond manigra seochusa læcnung wearþ gederod. Ond man ærest fand hie æt Norwalk ceastre in Ohio underrice in Americam.
- i d: Her man lagode þæt in Brytene nis pleoh þære seocnesse fota ond muða, buton in Norðymbralande, ac neah Hagustaldeshame1) man móste ofslean .mmc. sceapas for þæm þe man fand þæt seo seocnesse ærra wæs in sumum hira ond hie wurdon ongean hale.
- Her giet wæs wen guðe betweox Indiam ond Pakistane.
- Her wearþ widcuþ þæt in Kabule Americisc spellgewritungmann bohte twegen cyrcolwyrdas2) ond in him wæron swiðe manige ærendgewritu heretogena Al-Qaedan. Ond sume hira wæron ymb macunge seocnesswæpna ond atorwæpna ond Al-Qaeda het þeos macunge Al-Zabadi ond þæt nama segð in Arabgereorde "seo meolc þe wearþ cealer". Ond in Arabgereorde "al qâ`ida" segþ "se fyrdsetl". Godes miltse sie.
- Her twelf þeoda þæs EU in Europan ongunnon neotan þone niwan sceatt gehaten euro, ac ne Brytene ond Denemearc ond Sweoland.
- Her in Niðerlande seo euthanasia wearþ æwlic.
- Her giet wæron strange fyr ymb Sydney in Australiae ond fyr besat Sydney ond .dccl. þusend æcras wealdes wæron forbærnede, for þæm þe þæt treow eucalyptus macaþ micelne ele in his leafum.
- Her in Argentinam Eduardo Duhalde feng to rice ond he was se fyfþa foresittend in twæm wucum.
- iii d: Her in Afghanistane seo fyrd besat Mullah Omar þone Taliban-togan neah Baghran ceastre in Helmand scire ond .md. menn mid him ond ahte wælstowe gewald ac Mullah Omar gedígede on scúfendtwáhwéole3).
- iv d: Her in Tiana wice in Sardiniam forðferde Antonio Todde ond he wearþ acenned on .xxii. dæge Blotmonaðes in geare .mdccclxxxix. ond he lifde hundendleofontig ond þreo gearu ond he wæs se ieldest libbende in þære worulde ond he wæs sceaphyrde.
- vi-vii dd: Her in midde nihte ongann heard regen ymb Sydney ond acwencede mæste þara wealdfyra ond þa fyrmenn mæredon. Ac giet sind wealdfyr ymb Perth in Westaustraliam ond þæt land wæs swiðe dryg ond wæs wen þæt manige wealddeor aswelten.
- vii d: Her Blair fyrmestscealc Bretlandes eode of Indiam to Islamabade in Pakistane to secanne frið, ond in æfne he eode to Afghanistane.
- Ymb þissum dæge cwomon cyle ond deop snaw to Easteuropam ond in Moskvan .ccc. aswulton of cyle ond deop snaw feoll in Athenae ond sare derede Greclandes goldappelwæstm4) ond snaw eac feoll in Damascus ond in Israhele ond in Eastiordanum. Ond cyle stod þær manige dagas.
- x d: Her ond in æfterrum dagum Americisce nomon .dxcvii. Talibanisce ond Al-Qaedisce hæftas to locan æt Guantanamo-cofan on Cuba iege ond hie nemnedon þone locan "Camp X-ray".
- xii d: Her heard regen cwom to Kabule ond þa Kabulware geblissedon. Þurh eallum þara geara þara Talibana wæs heard lang dryhþ ond unwæstm ond hungor ond Vrtra se greata draca dryhþe rixode þæt land: ac nu sið ond late se god Indra cwom berende his lígetgár ond ongean ofsloh Vrtram, swa geo menn writon in þæm Indiscum haligum Véda-writungum. Ac regen ne cwom to eallum Afghanistane.
- Her man lagode þæt eac in Norðymbralande nis pleoh þære seocnesse fota ond muða.
- xvii d: Her in Dem.Rep.Congo lande þe ær hatte Zaire neah Rwanda-mearce se micla fyrbeorg Nyiragongo onwac færlice ond greate ea gemoltenes stanes fleowon of þæm beorge swifte swa rinnende hors ond of niwum acleofungum in grunde ond forgrand manige wic ond fleowon þurh Goma ceastre ond in Kivu-lacu ond seo ceaster bærnede ond ymb .xlv. aswulton ond .d. þusend ceasterware ond feldware afliemdon ond manige hire eodon to Rwandan, ac in æfterrum dagum hie cwomon ongean to hámum. Ond Nyiragongo onwac in gearum .mcmlxxvii. ond .mcmliv. ond .mcmxliii., ond in geare .mcmlxxvii. .mm. aswulton in swiðe swiftum gemoltenum stane.
- Her in Afghanistane Salang-þyrelweg under Hindu Kush beorgum wearþ edniwode ond wægnas mihton gan þurh him.
- Her menn segdon þæt mæg beon þæt Osama Bin Laden is dead of seocnesse his lundlagena, for þæm þe afliemende ond wuniende dyrne he ne mihte beran mid him dialysissearu. Ond his cynn cwom of Haðramaut-lande in Yemene.
- xx d: Her in Goma menn stælon wægna fyr-ele5) of heddærne ond hit wearþ to fyr þurh hæte gemoltenes stanes ond macode micel utberstunge ond ymb .c. aswulton.
- xxii d: Her æt Goma man macode niwne strætweg for hweolum ofer þæm gemoltenum stane þe nu hæfde geworden heard.
- Her æt þæm Old Bailey in Lundene feower cnapan eodon fore demum for þæm hie ofslogon Danilola Taylor.
- Her æt Camp Zeist in Niðerlande Abdelbaset Ali Mohmed al-Megrahi eodon ongean fore demum, ond on .xiv.þum dæge Hreðmonaðes man sendede him to Barlinnie carcerne in Glascú in Scotlande for his life.
- xxv d: Her India upsendede gestyred fyrspere gehaten Agni .ii. neah Orissa-særiman ond hit mæg fleogan .cdxx. míla berende cyrnwæpen.
- Her in Houston in Texase Clifford Baxter asceat his sylfne ond he wæs sum Encones rixiendum.
- Her æt Ællesæcre6) in Legeceasterscire spinnwind afyllede treow ond dyde hearm to .c. husum.
- Her in Kabul deortune forðferde se ealda leo Marjan þurh ieldo ond lundlagena seocnesse ond he lifde .xxv. wintru oððe ma.
- xxvii d: Her in Brytene ongean wæs Holocaustusdæg, ond wæs gemynde-gemot in Brycgwæterhealle in Mameceastre, ond þær mægð léc fyðele þe ær wæs æht Holocaustusoferlibberes.
- Her in seochuse æt Kandahare Americisce sundorfyrdmenn ond Afghanisce fuhton wið siex Arabiscum al-Qaediscum þe wæron þærinne siex wuce ond ofslogon hie. Ond giet wæs gefeoht wið Al-Qaedum æt Qawar Zili holum neah Tora Bora. Ond wearþ widcuþ þæt sume Al-Qaedan cwomon of Tibbingatune7) neah Beornmundingahame in Englalande.
- Her Hamid Karzai eode to Englalande ond æfterra to Americam.
- Her æfter æfne æt Lagos in Nigeriam fyr wearþ in ceapstowe ond brædede to miclum héddærnum þære fyrde in Ikeja fyrdsetle ond utberstendwæpn utburston ond dydon micel hearm in ceastre ond .dc. aswulton ond manige hira adruncon in Paco wæterwege þenden hie afliemdon in nihtþystro. Ond sum segde æfterra þæt .m. aswulton.
- xxviii d: Her heard wind dyde hearm in Scotlande ond Norðiralande ond Norðymbrum, ond on Cairngorm-beorgum in Scotlande wind wearþ to .cxli. mílum in stunde, ond .vi. aswulton.
- xxix d: Her Ecuadorisc lyftfolcberend feoll to grunde æt fét Cumbal-fyrbeorges in Colombiae suðdæle ond .xcii. wæron in him ond ealle aswulton.
- xxx d: Her in Niw-Eoforwice Hamid Karzai eode to þæm gemyndefullan stede þe man nu nemneþ Ground Zero þær geodagum wæron þa Woruldceapungtorras, ond æfterra he eode to Lundene.
- xxxi d: Her in Lundene æt þæm demungstede þe hatte se Old Bailey feower cnapan eode fore deman for þæm on .xxvii. dæge Blotmonðes geares .mm. æt Péacháme in Lundene hie ofslogon Danilola Taylor.
1) Hexham. The name means "the home of the warrior".
2) computers.
3) motorcycle.
4) orange harvest.
5) petrol / gasoline.
6) Alsager (Cheshire (UK)).
7) Tipton (near Birmingham (UK)).
(Back)
Anno MMII Solmonað
- i d: Her ongean heard wind sloh Brytene.
- ii d: Her in Amsterdame Willem-Alexander æðeling Niðerlandes cwene sunu ond yrfeweard weddede Maxima Zorreguieta ond heo is Argentinisc.
- Her wæs flod in Wealum ond Mierce ond Norþymbrum.
- iii d: Her wæs eorþstyren æt Sultandagi ond Bolvadin in Afyon scire in Turclande ond his miht wæs Richter 6, ond .xlv. aswulton oððe maran ond .cxx. wurdon gewundode ond .c. boðl feollon oððe ma, ac bi Godes miltse wæs dæg ond manige wæron utan in feldum.
- iv d: Her neah Zhawar Kili wice in Afghanistane Americisc lyftcræft ofsloh mid fyrspere sume menn þe hæfdon Arabisce gewæde ond on .xxvii. dæge wearþ wen þæt an hira wæs Osama bin Laden.
- vii d: Her in seochuse in Bombay in Indiam se Dalai Lama wearþ ongean hal of seocnesse his ropa1) ond eode to hame to Dharamsala in Himalaya-beorgum. Ond he afliemde of Tibete in geare .mcmlix..
- Her ealle deade menn wæron geboren ut of þæm Russiscan undersæscipe Kursk, ond .xciv. wæron gefundene, ond .cxviii. aswulton in him.
- Her æt Salang-þyrelwege in Afghanistane þa Bryttiscan utberstenda animeras gehatene Halo fuhton mihtige wiþ þæm heardostan snawe ond winde in .xv. gearum ond neredon ymb .ccc. folca ac fyf aswulton þurh forste ond man ne miht findan .xx.. Ond se stede is .xim. ond .xxiv. fet ofer sæ.
- viii d: Her æt Salt Lake City in Americam ongunnon þa Wintres Olympiscan Plegan.
- ix d: Her forðferde Margaret Rose æþelingen sweostor cwene Englalandes þurh heortseocnesse þenden heo slæpede æt .vi. ond healfe stundum in morgne æt Cyninges Eadweardes .vii.þan seochuse in Lundene, ond hire .ii. cildru wæron mid hire. Ond heo lifde .lxxi. gearu ond heo wearþ acenned in Glamis Castle in Scotlande. Ond in æfne .viii.þan dæges æt Cynesigingatun-cynehealle2) wæs hire þridda blodgelimp in brægne. Ond heo wæs giet seoc mid wynstran hemiplegiam. Ond heo worhte lange for þæm NSPCC ond for þæm Girl Guides.
- xii d: Her æt Den Haag in Niðerlande Slobodan Milosevic ongann gan fore demum for manigum guðmándædum.
- Her Iranisc folcberend-lyftcræft feoll to eorþe in snawigum beorgum neah Khorramâbâd in Lorestân scire in Irane ond .cxvii. wæron in him ond eall aswulton.
- xiii d: Her man lagode þæt huntoþ mid hundum nis alyfede in Scotlande.
- xiv d: Her in æfne in Yarl's Wood asylumseocera locan in Biedanfordscire hæftas fuhton wið weardum ond macodon þrie fyr ond se loca bærnede eall niht, ond manige hundræd þurfton wunian under þæm steorrum þurh nihte, ond man getimbrode þone locan in Blotmonðe in geare .mmi.. Ond .xx. hæftas afliemdon.
- xv d: Her wæs Margarete æþelingene funeralis æt Windelesóran cynehealle, ond hire lic wearþ forbærnede æt Sló3), ond man settede hire æsce mid hire fædere George .vi. cyninge þe wearþ gebyrgede æt Windelesóran on þissum dæge in geare .mcmlii..
- Her wearþ widcuþ þæt in Texase menn macodon clonus catte ond heo wæs .ii. monðas eald ond heo hatte CC ond þæt is for Niwengliscum "carbon copy". Ac ærra .clxxxvii. swylce cloni ne lifdon.
- Her .xi. Afghanisce plegode æt fotðoðore wið .xi. Bryttiscum fyrdmannum in Kabules plegestede, ond ær næs fotðoðor þær in twentigum gearum.
- Her æt Noble ceastre in Georgia underrice in Americam man fand in wealde ond in heddærnum neam crematorium hundrædas lica manna þe man sceoldon bærnan þær þurh gearum. Godes miltse sie on hira cynnum.
- xvi d: Her æt Kabul lyftfelde sume Tajikisce þæs Jami`at-i-Islami folgunge ofslogon mid seaxum Dr.Abdul Rehman tourismscealc ond he wæs Nuristanisc.
- xviii d: Her Elizabeth cwene Englandes ond Philip æþeling eodon to Kingston þe is Jamaican heafodstede. Ond Bush foresittend fleag to Suðkorean.
- xix d: Her forðferde Captain Trevor Hampton þurh berstunge þrifealdes aneurysmi, ond he lifde .lxxxix. gearu, ond he wunode æt Dertamuðan in Defnum, ond he wæs se ærest þe dyfede in Bryttiscre sæ mid aqualung þe wæs gemacode in Brytene, ond he lærede dyfunge to manige ond fore þæt se BSAC wearþ.
- xx d: Her in Ægypte æt þære .ii. stunde fore sunnupgonge folcberende irenweg-gewægnoð rann of Cairo to Luxore ond in hire fyfðum wægne fæt fyrlyfte for cócunge utbærst ond macode heard fyr þenden seo gewægnoð rann and seofon þara endleofan wægna forbærnedon ond .ccclxxxiii. aswulton in fyre oððe hleopende utan ond ealle wæron Ægyptisce. Ond man acwencede þæt fyr æt Reqqa al-Gharbîya wice neah Al `Ayyat ceastre in Gîza scire. Ond æghwylc wægn sceolde beran .cl. ac soðe bær .ccc. oððe ma, for þæm þe wæs se Muslimisca haligdæg Bairam. Ond in Islame wæs Hajj-tid.
- Ond giet is heard gewinn ond deað in Westiordanum. God bringe frið.
- xxi d: Her in Boliviam se heardost regen in fyftig gearum macode flod ond mara þonne .xxxvi. aswulton in flode.
- xxii d: Her in Moxico scire in Angolan man asceat Jonas Savimbi ond he lange wæs heretoga þæs wealdherges UNITA.
- xxiii d: Her wæs heard snaw ond wind on Brytene.
- Ymb þissum dæge Elizabeþ cwen Englalandes cwom to Niwsælande.
- xxiv d: Her giet wæs wiðcweðung in Bretlandes þeodtogum ymb Jo Moore for þæm þe æfter þa Woruldceapungtorras feollon heo wrat email þe segde "Þis is gód tíd tó byrganne láðspell", ond sume secgaþ þæt heo segde gelic ymb Margaretes æþelingene byrgungdæge.
- Her æt Ayôdhya ceastre þe ærra hatte Oudh in Uttar Pradesh underrice in Indian wæs Hinduisc halig begong þær geo se hæleþ Râma wearþ acenned, ond sume bæron þone trishûl, þe is gar mid þrim ordum þe is tacn þæs godes Shiva. Ond geo wæs Hinduisc hearg þær ac æfterra Babar sultan fordyde hit ond getimbrode Muslimiscne masjid gehatenne Babri on his stede. Ond þæt wæs great synn ond hearm ond yrre to þæm Hinduiscum. Ond on .vi. dæge geolmonaðes geares .mcmxcii. great hloð Hindua tobrucon þone masjid, ond þæt wæs great synn to þæm Muslimum, ond .mmm. folca wurdon ofslægen in folcgefeohte. Ac ærra in Indiam Muslimisce rixiendas fordydon manige þusend Hinduiscra hearga. Ond in Sanskritgereorde þæt nama Ayôdhya segþ Gúðléas. Ond men segdon þæt þær on .xv. dæge Hreðmonaðes hie woldon onginnan getimbrian niwne hearg, ond great dǣl þæs wæs giet gemacode neah æt Karsewakpuram. Ond sume secgaþ þæt Râma wæs se Hinduisca god Vishnu in lichaman. Ond Râma wæs cyning æt Ayôdhya ond his wif wæs Sîtâ, ac deofol gehaten Râvana feng Sîtâm ond bær hie to Lanka iege þe nu hatte Sri Lanka oððe Ceylon. Ond Râvana hæfde fleogende cynehealle gehatene Pushpaka þe he stæl of Kubêra his broðre. Ond Râma ond his fyrd sohton hie feorr ond mid fultume þæs godes Hanumanes hie eodon ofer sæ to Lankê ond æfter langum gefeohte he ofsloh Râvanam mid flane ond ahreddede Sîtâm, ond he ond heo ond his fyrd flugon to hame in Pushpakê. Ond Hanuman lædde greate fyrd þæs cynnes apena þe hatte langur. Ond eall þis is gewriten in þære Indiscan béc Râmâyana. Ond gelicnessa Râmasya in heargum beraþ bogan. Ond Sanskritisc word for "godes cynehealle" is vimâna, þe eac segde "hearg", ond vi- segþ "sundor" and mâna segþ "gemetede", for þæm þe man metede ond hálgode land. Ond sind manige fleogende vimânâs in spellum in þære miclan Indiscan bec Mahâbhârata. Ond of þissum nu in Hindi-gereorde vimâna segð "lyftcræft". Ond in þæm Mahâbhâratê is cynecynn gehaten Bhâratâs, þe segð Bharatingas, ond se Bharata wæs Râmasya healfbroðor, ond giet nu India het his sylfe Bhârat.
- xxvii d: Her Elizabeþ cwen Englalandes cwom to Adelaide in Australiam.
- Her forðferde se mæra truð Spike Milligan þurh seocnesse his lifres, ond he lifde .lxxxiii. gearu.
- Her sume þara Hinduiscra eodon to hame in irenweg-gewægnoþe ond neah Godhra in Gujerat underrice in Indiam manige Muslimas unrihte bærnedon dǣl hire ond .lvii. þara Hindua aswulton ond .lxxx. wurdon gewundode.
- xxviii d: Her in Gujerate wæs onwrecung ond in Ahmedabade Hinduas bærnedon manige ceapungboðl Muslima, ond .xx. Muslimas aswulton in fyrum, ond Hinduas tobrucon manige masjidas, ond æt Gandhinagare hie tobærnedon Gujarates waqfwealdenda4) boðl ond eall þæt wæs þærinne. Ond æfterra wæron Hinduisce halige begonga on þæm stedum þisra masjida ond sume segdon þæt man wolde getimbrian Hinduisce heargas þær.
- Her NATOisce fyrdmenn foron to Foca in Serbiscre Bosniam to fónne Radovan Karadzic, ac hie ne findon hine.
- Her æt Greatum Hæcce neah Seljaby wæs halig begong for þæm þe aswulton þær on þissum dæge in geare .mmi..
- Her betweox Hnoctune ond Dunnestune5) neah Lincolne radwægen feoll on irenweg ond gewægnoþ sloh hit ond þæs wægnes drifere aswealt ond .xv. wurdon gewundode.
1) intestines.
2) Kensington Palace in London.
3) Slóh = Slough (Berks). The name means "marshy or muddy place".
4) waqf is a Muslim religious charity.
5) Nocton and Dunston near Lincoln.
(Back)
Anno MMII Hreðmonað
- i d: Her ongean wæs folcgefeoht in Ahmedabade in Indiam, ond fyftig Muslimas wurdon ofslægene. Ond wæs acwellung in Pandarvana wice. Ond .dcc. folca wæron ofslægene in eallum þissum gefeohtum.
- iv-x dd: Her in Afghanistane .mc. Americisce ond manige Afghanas fuhton hearde wið manigum Talibanum ond Al-Qaedum in Shah-e-Kot beorgum ond Kharwar beorgum neah Gardez in Paktia scire ond ofslogon .dcc. hira.
- Ond giet wæs deað ond gewinn in Israhele ond Westiordanum. God bringe frið.
- ix-xi dd: Her wæs heahfolccyre in Zimbabwe ond Robert Mugabe feng ongean to rice ac manige segdon þæt wæs swicdom in þære ceosunge.
- xii d: Her Israhel sendede .c. scriðdracan in Ramallah in Westiordanum ond eac sume foron in al-Amaari fleogendsetl in Gaza-lande ond .xxx. wurdon ofslægen in gefeohte ond hit wæs seo greatost infarung in .xx. gearum. On hie utforon on .xiv.þan dæge.
- Her man forstoppede sendan láda þurh Dofernearuþyrelwege for þære greatan dreccunge formanigum asylumseocendra ymb Frethun ládunglocan neah Calais.
- xviii d: Her .mmmm. asylumseocende cwomon in anum scipe to Catania in Sicilia-iege.
- xix d: Her wearþ widcuþ þæt on Antarcticae særiman Larsen B ísscylfe wearþ eall tobrocen styccemælum in anum monðe ond hit wæs micel swa Sumorsætenascir ond hit wæs on Antarctica-næsses easternan riman; ond þæt in Amundsen-sæ dǣl þære Thwaites-ístunge wearþ freo ond hit wearþ ís-ieg great swa Malta ieg oððe ma. Þus déð seo woruldwearmung.
- Her se Gemánawela1) utwearp Zimbabwe for Mugabes unrihtum dædum.
- xxiv d: Her .mdcc. Brytticse sæfyrdmenn ongunnon fleogan to Afghanistane.
- xxv d: Her in Afghanistane eorþstyren fordyde Nahrin ceastre in Baghlan scire ond ofsloh .dccc. folca ond wundode .mmm., ond þritig þusenda sind ean husum, ond his miht wæs Richter 6.1. Ond from langum guðum sind utberstendas in manigum wegum ymb þæm stede. Godes miltse sie. Ond be Hamid Karzais hæse se .xxviii.þa dæg wæs gnornungdæg.
- xxvii d: Her forðferde Dudley Moore se mæra trúð þurh brægnseocnesse þe hatte paralysis supranuclearis progressiva, ond he lifde .lxvi. gearu.
- xxx d: Her on Eostre mæssæfne forðferde Elizabeth Englalandes cwene modor in æfne þenden heo slæpede æt Windelesóran, ond Elizabeth cwen hire dohtor wæs mid hire, ond heo lifde .ci. gearu, ond þa Engliscan wel lufode hie. Ond heo wæs seo æftemest caseren Indiae, ond heo wæs widewe George .vi. cyninges ond he forðferde in geare .mcmlii..
- xxxi d: Her Israheles fyrd fór mid manigum mannum ond manigum scriðdracum in Ramallah ond fordyde Yasser Arafates burh, ond in æfterdagum hie fóron strange in Ramallah ond Salfit ceastra in Westiordanum to secanne mándædwyrcan, for þæm þe in ærdagum sume Westiordanware unrihte ofslogon folc in Israhele. God bringe frið ond rihtne ende.
1) the Commonwealth.
(Back)
Anno MMII Eastermonað
- i d: Her in Tenerife iege swiðe heard regen macode flod ond horhslidunge þe dydon hearm in Santa Cruz ceastre ond .vi. aswulton.
Her in Faisalâbâde in Pakistane man feng Abu Zubeidah ond he wæs se oðera heretoga þæs Al-Qaedan. Ond Israheles fyrd fór in Beþlehem.
- ii d: Her man brohte Elizabethes þære cwene modores lic of Windelesóran to Sancti Iacobis cynehealle, ond on .v.þan dæge to Westmynstrehealle. Ond in þæm þrym æfterdagum .cc. þusenda folca eodon þærinne be hire ciste.
- iv d: Her Israhel sendede mara þonne .c. scriðdracan in Nablus. Ond Israheles fyrd ongann feohtan wið Palestiniscum wæpnedmannum þe wæron in Cristes acennednesse cyrice in Beþleheme, ac seo fyrd segde þæt heo nill feohtan þærinne in Godes huse ac bidan þenden hungor macie sige.
- v d: Her sið ond late seo guð in Angolam endode ond Angolae þeodtogan macode wæpngestand mid þæm wealdherge UNITA.
- ix d: Her Elizabeth cwene modor ond hire dohtores Margaretes æðelingene æsce wurdon gebyrgede in Sancti Georgii cyrice in Windelesóra-cynebyrig mid George .vi. cyninge. Ond hire funeralis wæs in Westmynstrecyrice. Ond mara þonne million folca stodon bi wegum to seonne hire ciste þenden man bær hie to Windelesoran. Ond Charles æþeling wæs swiðe sárlic for hire deaðe.
- Her Israheles fyrd eode ut of Tulkarm ond Qalqilya ond fór in Dura neam Hebron. Ond wæs heard gefeoht .vii. dagas in fleogendsete in Jenin ond aswulton .cc. Palestinisce ond .xiii. Israhelisce, ond manige boþl wurdon fordóne, ond in æfterdagum seo fyrd forgrand þæt setl ond mæste Harat el-Hawashîn for þæm hit ne mihte beon wearga burh, ond þær hie fundun swiþe manige fyrwæpen ond utberstendwæpen. Ond Palestinisce secgaþ þæt hundrædas Palestiniscra aswulton in þissum gefeohtum, ac Israhel segde þæt sume twelf-gerím aswulton ond þæt mæste dǣl þara wæron feohteras. Ond in Israhele wæs se gemyndefulla dæg þe hatte Yom ha-Shoah, þe segð Holocaustusdæg.
- xii d: Her in Baghlan scire in Afghanistane eorðstyren acwellede .xxx. oððe mára in Doabi wice, ond his miht wæs Richter 5.8.
- xiii dd: Her in Venezuela seo fyrd awearp Chevez foresittend of his rice ond on þæm .xiv.þan dæge eft settede him in ric.
- Her Colin Powell Americae utlandscealc eode of American to þæm Middaneastlandum to secanne frið.
- xv d: Her Cinalandisc lyftcræft fleag of Beijinge to Kimhae lyftfelde neah Pusan in Suðkorean ond hit bær .clxvi. ond .xi. hira wæron his scipmenn ond neah Pusan hit sloh Shineo-beorg in wealde in miste ond .xxxix. hira lifdon ond .cxxvii. aswulton.
- Her in Ramallah Isralehes fyrd feng Marwan Barghouti ond he wæs heah in þæm weargherge Fatah.
- Her Berewices on Twéde ceasterwitan in Englalande segdon þæt hie willon gieldan þæt Berewic on Twéde ongean beo dǣl Scotlandes, swa wæs geo, ac in geare .mclxxiv. Scotland sceolde syllan hit to Englalande swa wliteweorð for his cyninge Wilhelme þæm Leon þe wæs gisl in Englalande, ond æfterra Scotland gieldede .vm. marcas1) to eftbycgan Berewic ac Englaland heald þa marcas ond eac heald Berewic. Ond nu sum Englalandes witena segde þæt Scotland scule gieldan teon milliones punda for þissum.
- xvi d: Her in Afghanistane Bryttisce sæfyrdmenn ongunnon secan Al-Qaedisce menn in heam beorgum ymb Shah-e-Kot in Paktia scire.
- Her Niðerlandes ricscealcas alætton hira ric for þæm þe in Æfterra Liða geares .mcmxcv. hira fyrdmenn ne mihton werian þa .viim. ond .d. Muslimas þe Serbas ofslogon æt Srebrenican, ond on þæm .xvii.þan dæge hira fyrdtoga Ad van Baal alætte his ric.
- xviii d: Her Mohammad Zaher Shah fleag of Italiam to Afghanistane ond geo he wæs cyning Afghanistanes, ac he ne ongean feng to his rice, ond he is .lxxxvii. gearu eald. Ond he rixode .xxxiii. gearu ond man awearp him of his rice in geare .mcmlxxiii..
- Her æt Colla Micheri in Italiam forðferde Thor Heyerdahl þe seglode þone sæcræft Kon Tiki ond þone hréodbát Ra, ond he lifde .lxxxvii. gearu.
- Her Israheles fyrd eode ut of Jenine.
- Her lytel lyftcræft fleag of Lucarno in Helvetiam to Milan in Italiam ond hit sloh þone Pirelli-torr in Milane ond his drifere aswealt ond twegen wif þe wæron in þæm torre. Ond sume secgaþ þæt his drifere soht acwellan his sylfne for galgmodnesse.
- Ymb þissum dæge in Afghanistane man bærnede .liv. þusend kilogrammas þæs atores opium ond gif hit cwome to westlandum menn macoden of him þone bealofullan ator heroin þe wurde geseald for .cl. millionum punda.
- xx d: Her wæs eorðstyren neah Plattsburg in Niw-Eoforwic underrice ond his miht wæs Richter 5.1.
- xxii d: Her se papa bead his .xiii. Americisce cardinales to Romam for gemaðle ymb sumum preostum þe dyrne dydon þa swiðe fúlan synne þe hatte paedophilia oððe paederastia.
- Her in Nabluse in Westiordanum Israhelisce wingwindend ofsloh mid fyrflane Marwan Zallûm ond his weard in his wægne ond he wæs strang heretoga þæs Palestiniscan weargherges þe hatte seo Al-Aqsa-hlóð.
- xxiii d: Her in Orange scire in Californiae twa irenweg-gewægnoþa sloh æghwylc oðere ond .ii. aswulton ond .cclxv. wurdon gewundode.
- Her in Beþleheme þreo Armenisce preostas cwom ut of Christi acennednesse cyrice. Ond in Ebreiscum gereorde þæt nama Beþlehem segð Bréadhús. Ond on .xxiv.þan dæge eahta Palestinisce utcwomon ond hie bæron twa deade lic. Ond Israheles fyrd fór in Hebrone.
- xxiv d: Her æt Baikonure in Kazakhatane Mark Shuttleworth fleag in woruldrum in mannberendum fyrspere to þæm Soyuz ond he wæs ut of manna worulde .xi. dagas ond he fleag for his wynne ond he gieldede .xiv. millionas punda for þissum ond he is Súðafricisc, ond on .v.þan dæge Þrimilcemonaþes he cwom eft to eorþe neah Arkalyk in Kazakhstan-wonge. Ond eac he bohte his woruldrúmréaf ond his woruldrúmbát.
- xxv d: Her in Lundene dema demde þæt ealle þara cnapena þe wæron fore demum for acwellunge Damilola Taylor ne wæron gyltige.
- Her in Ramallah in Westiordanum Israheles fyrd ofsloh anne Palestinisce weargheretogan ond feng .xxvi. menn ond fand þæt þa geræddon macian swiðe micel utberstung in Tel Avive ond acwellan manige. God sie geþancod þæt man forstod þis.
- xxvi d: Her in scole in Erfurt in Germaniam hyss asceat .xiii. tæceras ond .iii. oðre ond æfterra his sylfne, ond ær he wæs leornere þær.
- xxviii d: Her wæs mærung in Iraqe for þæm þe Saddam Hussein wearþ .lxv. gearu eald.
- xxix d: Her in Englalande wurdon acennede geanlæhte getwinnas Natasha ond Courtney ond man segde þæt Courtney sceal sweltan to nerianne Natasha for þæm þe þa twegen habbaþ ane ane heorte. Ond hire modor wunaþ in Sancti Albani stowe2).
- xxx d: Her in Englalande ongann mærung for þæm þe Elizabeþ cwen rixode fyftig gearu. Ond in Westmynstrehealle heo segde þæt heo nolde alættan hire ric for ieldo. Ond heo is .lxxvi. gearu eald.
- Her .xxvi. folca cwomon ut of Christes acennednesse cyrice.
- Her wæs heahfolccyre in Pakistane ond Musharraf fyrdtoga heald his ric.
1) mark (coin), formerly current in England.
2) St.Albans (Hertfordshire).
3) space capsule.
(Back)
Anno MMII Ðrimilcemonað
- i d: Her endode Israheles fyrde besittung Yasseres Arafates burges in Ramallah in Westiordanum, ond .vi. menn þe wæron þærinne wurdon geboren to carcerne æt Jericho ond Bryttisce carcernweardas mid him.
- ii d: Her in Afghanistane Bryttisce sæfyrdmenn ongunnon seocan Talibanas ond Al-Qaedan maran þonne twa míla ofer sæ in heam beorgum neam Khost þe eac hatte Khowst in Paktia scire, ac hie ne fundon feond.
- v d: Her wæs heahfolccyre in Francrice ond Jacques Chirac feng to rice.
- vi d: Her in Norþymbralande scire eode fore deman Bobby Waugh for þæm þe æt Hæþdune on þæm Wealle þurh his wanhydignesse he alyfede þa seocnesse fota ond muða cuman in Brytene in Solmonðe geares .mmi..
- Her in Hilversum in Niðerlande sum Volkert van de Graaf asceat Pim Fortuyn þe wæs lædere mægenwerodes þe standeþ wið leodum þe cumaþ in his þeodland of oðrum þeodum.
- ix d: Her in Paktika scire in Afghanistane Bryttisce sæfyrdmenn fundon feower loca-holan ond in him swiðe micelne hord wæpna ond in ánum hira wæs lád for .xxx. miclum crætwægnum.
- x d: Her æfter fif wucum endode seo ymbsittung Cristi acennednesse cyrice in Beþleheme, ond þa .xxxix. Palestinisce weargas utcwomon, ond man bær þa .xiii. wyrste hira to Cyprus iege ond þær Bryttisce weardas heoldon hie, ond man bær þa oþre .xxvi. hira to Gazalande. Ond on .xii. dæge man ongean halgode þa cyrice.
- Her æt Potters Bar stoppungstede in Heorotfordscire dǣl irenweg-weggemotes wearþ unfæst þenden gewægnoþ rann ofer him ond seo gewægnoð bræc ond .vii. aswulton ond fyftig-gerim wurdon gewundode, ond se irenweg wæs gesloten feower dagas, ond se stoppungstede wæs gesloten oþ morgen dæges .xx..
- xii d: Her in Baikonur woruldrumhýþe in Kazakhstane rof micles swiþe boldes feoll ond eahta menn aswulton. Ond geo man getimbrode þone boþl for Burane, ond Buran is Russisc woruldrumscytel3), ond in Russiscum gereorde `Buran' segþ `Siberiscne snawstorm'; ac hit fleag ane tide ond ne eode fulle ymb þære eorþe.
- xiii f: Her fore sunnupgonge in Bretabý in Hudrædesfelde1) in Eoforwicscire sum onǣlede hus ond seofon aswulton on fyre ond fyf hira wæron geonge Asialandisce gesweostor, ond æfterra æweardas fengon feower Asialandisce for þissum.
- xv d: Her sum seocnesse ropena ond magena ongann slean Bryttisce fyrdmenn in Afghanistane ond man þearf sendan þreo hira to hame for þissum, ac nænig hira aswulton.
- xvii d: Her in Paktia scire in Afghanistane ongann gefeoht Australiscra fyrdmanna wið Talibanum, ond Bryttisce fyrdmenn eodon þider ond eac fuhton.
- xix d: Her in morgne Easttimor wearþ freo ond Antonio Guzman feng to his rice. Ond .ccxx. þusend his folces aswulton in guþe for freodome wið Indonesiam.
- Ymb þissum dæge wæs gespræc þæt Bretland sceolde eftgifan Gibraltar to Hispaniam, ac swiðe manige wiðcweðon þis. Ond Englaland nom Gibraltar of Hispaniam in geare .mdcciv. ond in þære Utrecht-þingunge Hispania gaf Gibraltar to Brynete á. Ond man segþ þæt Gibraltares nama wearþ of Arabiscum "Jabal Tariq" þe segþ Tariqes beorg ond se Tariq wæs heretoga þara Muslima þe geo nom Hispaniam of þæm Visigothiscum rice; ac sum segde þæt hit wæs "Jibr al-Târ" þe segþ Holnæss.
- xxii d: Her se papa eode to Azerbaijane ond wæs þær twegen dagas, ond æfterra he eode to Bulgariam, ond on .xxvi. dæge eft to Romam, ond man segde þæt for ieldo ond seocnesse he nill oft ongean faran to ellorlandum.
- Ond nu million Indisce ond Pakistanisce fyrdmenn stodon wið æghwylce oðere in Kashmire ond is wen guðe, ond begen habbaþ cyrnwæpen2).
- Ond is sar hætu in Andhra Pradesh underrice in Indiam ond þær .mxxx. aswulton of hire.
- xxv d: Her lyftcræft bræc in feower þenden hit fleag of Taiwane to Hong Kong ond feoll in sæ ond .ccxxv. aswulton.
- xxvi d: Her in Mozambique neah Maputo irenweg-gewægnoþ feoll of his wege hearde ond .cc. aswulton ond .cd. wurdon gewundode, ond Mozambiques ric lagode þreo gnornugdagas.
- Her wæs heahfolccyre in Colombiam ond Alvaro Uribe feng to rice ond he segde þæt he wolde macian his fyrde greatoran ond feohtan hearde wið his landes wealdhergum ond cocainehergum.
1) Birkby in Huddersfield (England).
2) nuclear weapons.
3) space shuttle.
Anno MMII Midsumermonað
- ii-iv dd: Her in Brytene wæs great mærung for þæm þe Elizabeth .ii. cwen rixode fyftig gearu, ond heo is .lxxvi. gearu eald.
- Ymb þissum dagum wæs sceotende folcgefeoht in Belfast in Norþiralande ond in Iriscum gereorde se stede hatte Beal Féirste þe segþ Sandgeweorpmúðan.
- ix d: Her wæs heahfolccyre in Francrice ond Jacques Chirac feng ongean to rice.
- x d: Her Nelson Mandela cwom to Barlinnie carcerne in Glascú in Scotlande to smeaganne þone hád hæftscipes þæs Abdulbaset Ali Mohmed al Megrahi þe wæs án þara twega þe settede utberstend in þone lyftcræft þe feoll æt Lockerby.
- Her in Kabule ongann loya jirga, þe is gemot Afghanistaniscra folctogena to lagianne ond to gerædanne, ond mara þonne .md. cwomon þærto.
- Her æt Karshi Khanabad lyftfelde in Uzbekistanes suðan Americisce fundon guð-atorlyfte in grunde ond þyncþ þæt hit wæs þær of Sovietiscum gearum ond hit nis dæd þara Al-Qaedena.
- xii d: Americisc mann José Padilla wæs mándædhloðmann in Chicago ond in carcerne he wearþ Muslim ond nemnede his sylfne Abdullâh al-Mujâhir ond on þissum dæge man onfeng hine cumendne in þone USA of Pakistane for þæm þe he wæs in gerǣdunge to macianne in þæm USA utberstunga þe wolde tobrǣdan cyrnator1).
- Her in Colorado underrice in Americam wurdon strange wealdfyr ond pleoh for Denver ceastre. Ond in æfterdagum strange wealdfyr wurdon in Arizonam.
- xvi d: Her wæs heahfolccyre in Francrice ond Jacques Chirac feng eft to rice.
- xx d: Her Israheles fyrd fór in ealle ceastra in Westiordanum, æfter þæt Arabisce weargas ongean macodon utberstunga in Israhele.
- xxi d: Her on Sulu-sæ Philippinisc scipfyrd genemned Naval Special Warfare Group sanc bát þe afliemde of Sibuco stede on Minandao iege ond ofsloh Abu Sabaya ond twegen menn mid him ond feng feower menn, ond he wæs heretoga þæs Islamiscan dyrnweargherges Abu Sayyaf. Ond in Arabgereorde Abû Sayyâf segþ þæs sweordmannes fæder.
- Her wæs heard eorþstyren in Qazvin scire in Persealande, ond .ccxxii. aswulton, ond his miht wæs Richter 6.3, ond his middanstede wæs æt Bouyn Zahra.
- xxii d: Her in huse in Sur Wipan wice neam Khost in Paktia scire in Afghanistane Bryttisce sæfyrdmenn fundon swiðe micel hord wæpna þara Talibana ond Al-Qaedena.
- Her wearð widcuð þæt sume Islamisce ond Al-Qaedisce geræddon tobrecan Bologna mynstre in Italiam for þæm þe in him is eald weallfǣgung þe gecyðeð þone witegan Muhammad in helle, ond man fægede hit in þæm .xv.ðan gearhundræde æfter Cristes acennednesse; ac Italisce æweardas forstodon þa gerædunge.
- Her in Tanzaniam irenweg-gewægnoð slád ond sloh oþre ond .cc. awsulton oððe ma.
- xxv d: Her NASA lagode þæt his woruldrumscipu gehatene woruldrumscytelas ne fleogen, for þæm þe man fand lytle acleofunge in fyr-fédendum ǣdrum þara scipa Atlantis ond Discovery.
- xxvii d: Her ongann mót manigra þeodtogena æt Kanaskakis in Alberta underrice in Canadan, to gerædanne ymb seocnesse ond deaðe in Africam.
1) cyrn- = "nuclear", compare German Kern-.
Anno MMII Æfterra Liða
- i d: Her Tupolev 154 lyftcræft fleag of Moskvan to Barcelonam ond Boeing 575 lyftcræft fleag of Bergamo in Italiam to Brussels, ond ofer Überlingen on Konstanz-meres norðernan riman in Germaniam hie slogon æghwylc oðer ond .lxxxi. aswulton ond .xlii. hira wæron Bashkirlandisce cildru ond Bashkirland is in Russiam.
- Her æt Kakarak vice in Oruzgan scire in Afghanistane wæs weddung ond in nihte men scuton in lyfte to mǣranne ond Americisc lyftcræft þohte þæt hit wæs feondlic sceotung ond alyfede feallan utberstendas ond .xl. aswulton oððe mára ond .lxx. wurdon gewundode.
- iv d: Her Israhelisc lugycræft fleag of Israhele to Moskvan ond ofer Ukrainiam woruldrumstan feoll to eorþan neah him ond þæs lyftcræftes drifere þohte þæt hit wæs fyrspere gescoten of grunde.
- vii d: Her wæs strang storm ond wind in Germaniam.
- Her þæt Bryttisce guðscip Nottingham sloh stan gehatenne Wolf Rock neane Lord Howe iege neam Australiam ond sáre slát his sylf ond þæt wund is mara þonne .c. fet lang.
- xiii d: Her feawe Moroccisce fyrdmenn fengon Isla Perejíl þe is swiðe lytel ieg neah Ceuta in Gibraltar-nearwum ond heo is Hispaniae eac heo is nearra Moroccolandes riman, ond hire nama segþ Petersilie-ieg. Ond ymb þissum dæge is wiðcweþung betweox Brytene ond Hispaniam ymb Gibraltare. Ond Muhammad cyning Morrocolandes weddede.
- xvii d: Here Hispania eft nom Isla Perejíl, ond heo wæs Hispanisc siþþan geare .mdclxviii..
- xix d: Her dema demde þæt in Híde1) in Mameceastre eastdǣle Harold Shipman acwellede .ccxv. leoda ond mæg beon þæt eac he acwellede .xlv..
- xxii d: Her Israhelisc guðlyftcræft asceat hus in Gaza ceastre mid fyrspere ond ofsloh .xv. Palestiniscra folca ond sum hira wæs Sheikh Salah Shahada þe wæs lange heard weargheretoga þæs Hamases ond dyde micelne hearm. Ac sume hira wurdon cildru.
- Her in Lundene demung demde þæt Nicholas van Hoogstraten sendede twegen menn þe acwelledon be mannslohtre sumne Muhammad Raja, ond Hoogstraten wæs lange heard wulfmod ond feohtendmod, ond he wæs sum þara weligostra manna in Englalande, ond ærra he wæs in ceapunge mid þissum Muhammade Rajan.
- xxiii d: Her man lagode þæt Dr.Rowan Williams arcebiscep Weala will weorðan se .civ.þa arcebiscep æt Cantwarabyrig þonne Dr.George Carey alæteþ his þegnunge in Blotmonaðe geares .mmii..
- Her wearþ widcuþ þæt ymb þæm oþerum dæge þisses monþes tungolæmenn fundon asteroides gehaten 2002NT7 ond hit is míl ond healf lang ond is pleo þæt on þæm fyrmestum dæge Solmonþes geares .mmxix. hit will feallan on eorþan mid micelre utberstunge ond fordon wide land ond manige ceastre manna.
- xxv d: Her in Mameceastre in Englalande ongunnon þa .xvii.þan Gemænaweliscan2) plegan ond hie endodon on .iv.þan dæge Weodmonaðes. Ond ærra þisra plegena baton wearþ geboren þurh manigum landum, ond se æftemest þe bær hit wæs Kirsty Howard ond heo wæs siex gearu eald ond heo wæs seoc mid misbytlung hire heorte ond heo a þurfte þone oxygenés, ond heo gaf þone baton to Elizabeth cwene. Ond se Australisca swimmere Ian Thorpe þe eac hatte se Thorpedo gefeng siex gyldene tácn siges.
- Her in Quecreek coldelfunge æt Somerset in Pennsylvaniam underrice sum gemang nigon delferum þurh misgelimpe þurhdælf in ealdre wæterfullre delfunge ond hira delfung wearþ full wætres ond hie fundon dryg hleo, ond man þurfte macian hol of eorþes brede3) ond æfter .iii. dagum eall nigon wurdon gerærede to lyfte libbende.
- xxvii d: Her forðferde Krishna Kant underforesittend Indiae, ond he lifde .lxxv. gearu, ond he rixode fyf gearu, ond he wearþ acenned æt Kot Muhammad Khan in Amritsar scire in Punjab underrice in Indiam.
- Her æt lyftcræftscawung neah L'vov in Ukrainiam Su-27 guðlyftfræft feoll to eorþan ond ofsloh .lxxviii. ond wundode .cxv., ond his twegen scipmenn utwurpon hire sylfe ond wurdon generede.
- xxix d: Her in Lundene Abdullah .ii. cyning Iordanes spræc mid Tony Blair fyrmestscealc ond wísode þæt þa Arabþeoda noldon þæt America ond oðre fóren to guðe wið Iraqe ac swiðor þæt frið sie gemang Israhele ond þæm Palestiniscum.
- Her Ethiopisce Orthodoxisce munucas fuhton wið Coptiscum Ægyptiscum munucum mid stanum ond isernum stafum on hrofe þære Haligan Licrestcyrice in Ierusaleme, ond .xi. munucas wurdon gewundode.
- xxx d: Her cwom to dǣlum Brytene þunor ond monaðes regen in anum dæge ond flod.
(Back)
1) Hyde in Greater Manchester (UK). The name means "a hide of land".
2) Gemænawela = Commonwealth.
3) surface.
Anno MMII Weodmonað
- i d: Her in Barrey in Fuðarnesse1) seo Legionera seocnesse wearþ in .cxxxiii. leoda oððe marum of lyftcólungsearwes wætre in boðle ond in æfterdagum fyf hira aswulton. Ond ymb .xxii. dæge sume wurdon seoce mid Legionera seocnesse ymb Smeoðawice ond Ealdbyrig ond Halum Owain9) ond án hira aswealt.
- Her twegen mæden Holly Wells ond Jessica Chapman wurdon geloren ond hie wunodon æt Sǣgháme2) in Grantabrycgscire. Ond manige sohton hie ond swiðe manige gebiddon þæt hie lifden, ac on .xvii. dæge sum fand hie deade neah Lacingahýðe3) þær is guðlyftfeld ond æweardas fengon þa twegen Sæghamware Ian Huntley for hira morðre ond his mægðfreond Maxine Carr for þæt heo derede dómes rinnunge. Ond on .xxi. dæge heo eode fore deman in Sancti Petri byrig4) in démunghuse, ac forþý þuhte þæt Ian Huntley wæs wód man sendede hine to Rammtúne5) wódhuse, ac þær man fand þæt he næs wód ond on .viii. dæge Winterfylleþes he eode fore deman æt Sancti Petri byrig4). Ond on .xxx. dæge Weodmonaðes wæs halig begong for þara mædna gemynde in Élgémynstre10), forþý man hét .mm. léoda to þære begonge ond næs rýmet in Sæghamcyrice for eallum.
- vi d: Her in Los Angeles wurdon getwæmde Guatemalisce getwinnas Maria Theresa Quiej-Alvarez ond Maria de Jesús Quiej-Alvarez ond hie wæron geanlæhte be hira heafdum swa læcas hátaþ craniopagus.
- xiii d: In þissum wuce swiðe great ond heard regen mid þunre feoll in middan ond eastan Europan ond macode greatne deopne flod in Czechlande ond dǣlum Germaniae ond Eastrices ond on Russiae særiman þære Sweartan Sæ, ond .lxxx. aswulton oððe maran.
- xvi d: Her Iohannes Paulus .ii. papa eode to Kraków in Pola lande ond he wæs þær feower dagas. Ond on .xvii. dæge he halgode scrín þær. Ond he is .lxxxii. gearu eald ond he is seoc mid Parkinsones seocnesse. Godes miltse sie mid him. Ond geo he wearþ acenned þær ond ær he hátte Vojtyla ond he is Polisc.
- xix d: Her in Baghdâde Saddâm Hussein sendede sume menn ond hie ascuton þone hearmmæran Palestiniscan weargheretogan Abû Nidâl for þæm þe for ieldo he forgýmede Saddâmes hæse þæt he tæce in guðe sume Al-Qaedisce þe afliemdon to Iraqe. Ond þæt nama Abû Nidâl segþ Fæder Gefeohtes ond his rihte nama is Sabri al-Banna. Geo Iesus segde þæt he þe lifþ be swurde will asweltan be swurde.
- xx d: Her wæs gerædung þæt Sikhas ond Hinduas in Eoforwicscire magen sceadan hira deada æsce æt Æppuldorleahbrycge7) in Eore6) ea for þæm hira folc ne þurfe beran oððe sendan hie to Indiam to Gangâ ea, for þæm þe þa Hinduas geleofaþ þæt ealle ea flawaþ ætgædre to þæm godum ond beraþ þa deade to Pitrlôka þe in Sanskrite segþ Fæderworuld. Ond sume Hinduas in Brytene sceadað hira deada æsce in sæ æt Skarðaborg8), for þæm þe ærra manige Englalandes ea wæron fúle mid odena þreaxe ond manna fúlnessum, ac menn nu hæfdon gemacode manige þisra ea ongean clæne.
- In þissum wuce wæs great ond heard regen in Yangtse-ea wonge in Cinalande ond million Cinalandisce fuhton wið flódwætrum ymb Dongting-lace ond in oðrum stedum.
- xxvi d: Her in Johannesbyrig in Suðafricam ongann great gemot gehaten "World Summit". Ond in sume Bantuiscum gereordum se stede hatte Egoli, þe segð Goldstede.
- xxix d: Her in Berline Mounir al-Motasaddeq eode fore deman for .mmmcxvi. sacum11) fultuma for morðre ymb þæm dædum æt þæm Woruldceapungtorrum, ond he is Moroccisc. Ond in Seattle in Americam siex menn eodon fore deman for þæm hie woldon don hearm ond deað æt Las Vegas ond æt þæm greatum plegstede cildra in Californiam þe hatte Disneyland.
1) Barrow in Furness. (c.1150AD "Fuþþernessa")
2) Soham (Cambs.). The name means "swampy-pool homestead".
3) Lakenheath. The name means "the landing-place of those who dwell by streams".
4) Peterborough.
5) Rampton (Notts). The name means "ram farmstead".
6) River Aire (Yorkshire). The name came from Celtic.
7) Apperley Bridge. The name means "apple(tree) meadow".
8) Scarborough. The name is Old Norse for "Skarði's fort".
9) Smethwick, Oldbury, Halesowen (= the settlement of the smiths; the old fort; the corners of land (owned in the 13th century by a Welsh prince named) Owain.)
10) Ely. The name means "eel region".
11) sacu = "a case at law". From it comes English "sake".
Anno MMII Hærfestmonað
In þissum monaðum wæs lang heard dryhþ in Australiam.
- v d: Her in Afghanistane in Kandahare sum sohte asceotan Hamid Karzai, ac ne wundode hine, ond Americisce weardas weredon hine, ac .iii. aswulton. Ond sum macode utberstunge in Kabule ond acwellede .xv. oððe máran. God bringe frið.
- Her .c. Americisce ond Bryttisce guðlyftcræft sloh H3 guðlyftfeld in Iraqes westdǣle. Ond is wen guðe wið Iraqe.
- vii d: Ymb þissum dæge in Afghanistane Hamid Karzai fleag to Panjshir-dæle to seonne Ahmad Shah Massoudes byrgne.
- Her in Philadelphiam in Americam forðferde Lieutenant-Colonel Uriel Gal, æfter þæt he wæs lange seoc, ond he wæs Israhelisc, ond he lifde .lxxix. gearu, ond he ærest macode þæt manigsceotende fyrwæpn Uzi. Ond he cwom to Israhele of Germaniam in geare .mcmxxxvi. æfter þæt Hitler feng to rice. Ond on .xiii. dæge he wearþ bebyrged æt Kibbutz Yagur in Israhele.
- ix d: Her swiðe heard regen feoll on Brytene. Ond in Francrice ymb Nimes ond Avignon feollon mara þonne twegen fet regnes ond macodon flod.
- xi d: Her in manigum stedum wæron halige begonga in gemynde þara déaða þisses dæges in geare .mmi..
- xiv d: Her in Karachi in Pakistane mid fultume þara Americiscena FBI ond CIA æweardas fengon Ramzi Binalshibh ond he wæs heah hlóðtoga in þæm Al-Qaeda.
- xvi d: Her in Japane Kamato Hongo wearþ .cxv. gearu eald ond heo is ieldest in worulde.
- xx d: In þissum wucum wæs gefeoht in Elpendbánsæriman3).
- xxii d: Her wæs heahfolccyre in Germaniam ond Gerhard Schröder nearulice feng to rice.
- xxiii d: Her án stund æfter middannihte wæs eorþstyren æt Duddalea neam Beornmundingahame1) in Englalande, ond his miht wæs Richter 4.8, ond hit afyllede suma húsa récsýla2). Ond in morgne wæron æfterstyrena.
- xxiv d: Her Israheles fyrd fór mid .xxx. scriðdracan in Gaza-land ond fordyde .xiii. wæpen-odena ond ofsloh nigon Palestinisce. Eac hie gier besitton Yasser Arafates burh in Ramallah in Westiordanum ond þærinne sind .cc. menn ond Israhel segþ þæt hie sind mándædwyrcan.
- Her in Gandhinagar þe is Gujarates underrices heafodstede in Indiam twegen Muslimisce wælwulfas eodon in Akshardham hearg ond ofslogon .xxix. oððe mara ond wundodon mara þonne .lxx. ond is wen onwrecunge.
- xxvii d: Her neah Senegales særiman bat sanc ond þusend folca wæron in him ond áne .lxiv. wurdon generede.
1)Dudley near Birmingham.
2)smoke-pillars = chimneys.
3)Ivory Coast in Africa.
Anno MMII Winterfylleð
- ii d: Her ond in æfterdagum sum dyrnfeorrrihtsceotend in Washington in Americam sceat .xiii. folca ond teon hira aswulton. Ond on .xxiv. dæge man feng hine ond he wæs John Allen Muhammad ond he is Americisc ond ærra he wearþ Muslim ond ærra he hatte John Williams. Ond mid him wæs sum John Lee Malvo.
- vi d: Her forðferde Claus æþeling þara Niþerlanda ond his wif is Beatrix cwen Niðerlandes ond he lifde .lxxvi. gearu.
- vii d: Her Israheles fyrd fór in Khân Yûnis ceastre in Gazalande.
- viii d: Her wearþ widcuþ þæt tungolæmenn fundon niwne woruld þe færþ ymb sunne ond hie heton hit Quaoar ond hit is .dccc. mila brad ond hit is .iv. billiones mila of sunne. Ond geo þæt Tongva folc wunode in Los Angeles wonge ond hie segdon þæt se scyppend hatte Quaoar.
- x d: Her sum macode micle utberstung in wægne æt nihtwynnbolde gehatenum Sari in Kupa ceastre on Bali iege ond manige bold ymb him wurdon swifte to heardum fyre, for þæm þe hie wæron swiðe bærnlice ond in him wurdon manige fatu fyrlyfte for cócunge. Ond .x. Baliware aswulton oððe mara. Ond .xi. Bryttisce aswulton ond man ne mæg findan .ix.. Ond .xx. Australisce aswulton ond man ne mæg findan .clx., for þæm þe manige Australisce gaþ þider for wynne. Ond manige wurdon gewundode. Ond æfterra man segde þæt .clxxx. oððe .cc. eallra þeoda aswulton. Ond sume secgaþ þæt þis is Al-Qaedena geweorc. Ond nis gylt in þæm Baliwarum, ac hit wæs of utan. Ond mæst dǣl Indonesiae is Muslimisc, ac .xix. Baliware in ælcum .xx. sind Hinduisce. Ond man fand þæt se utberstend wæs C4 ond mæg beon þæt hit cwom of Indonesiae fyrde ond mæg beon þæt se Americisca CIA gaf hit geo to þæm Mujâhidînum in Afghanistane þenden wæs þæt Sovietisce ric þær ond þanon hit cwom æfterra to Al-Qaedan.
- xv d: Her wæs heahfolccyre in Iraqe ond Saddâm Hussein feng ongean to rice, ac he wæs se ána þe wæs to ceosanne.
- xvii d: Her æt Canaveral-næsse cwom ongean to eorðe Piers Sellers, ond he fleag .xi. dagas in woruldrúmscytele, ond he eode ut of scipe in woruldrumreafe þreo siðas to bytlanne se International Space Station, ond he wæs se þridda Bryttisce mann þe fleag in woruldrume ond se fyrmest þe eode ut of woruldrúmscipe in woruldrúmréafe. Ond he wunaþ æt Cráwbeorge1) in Súðseaxnum.
- xx d: Ymb þissum dæge Paul Butler wínscealc for þæn cynecynne ongann gán fore deman at þæm Old Bailey in Lundene for þæt he stalode .cccx. þing of Dianae æþelingene æhte æfter þæt heo forþferde, ac on þæm fyrmestan dæge Blotmonðes Elizabeþ cwen self wísode to þære démunge þæt he nom þa þing be hire lǣfe, ond seo spǣc feoll, ond on þæm æfterran dæge se dema segde þæt he næs gyltig, ond seo spæc foræt million ond healf punda.
- xxi-xxiii dd: In þissum dagum in Mameceastre eastdǣle wæron .xli. lytle eorþstyrena, ond þære strengstan miht wæs Richter 3.9 ond hit wæs æt Byxewíce2).
- xxiv d: Her hloð Checheniscra wearga mid fyrstafum ond utberstendum nom truðbotl in Melnitskova-stræte in Moskvan ond nom .dcc. gislas. Ond on .xxv. dæge Russisce fyrdmenn foron þærinne ond bleowon innan þa slǣplyfte halothane to aswebbanne ealle ond asceoton ealle .liv. þara wearga, ond .cxv. þara gisla aswulton be þære sleoplyfte oððe þonne hira spiwða eode in hira lungena, ond .iii. hira wurdon ascotene, ond hit macode manige hira seoce.
- xxviii d: Her in Englalande ond Wealum wæs heard stormwind þe afyllede swiðe manige treow ond derede botl ond dyde hearm mid weorðe fyftiga milliona punda, ond .vii. aswulton. Ond eac wæs stormwind in dǣlum Europae.
- Her in Siciliam se fyrbeorg Etna onwac.
- Her þæt Niðerlandisce scip Swan ongann beran þæt Bryttisce guðscip Nottingham to hame of Sydney-hýðe in Australiam, ond hit will cuman to Brytene æfter .vi. wucum.
- xxxi d: Her wæs eorþstyren in Campobasso scire in Molise lande in Italiam ond his miht wæs Richter 5.4, ond in San Guiliano di Puglia tæcungbold feoll þenden cildru ond tæceras mærodon for Eallra Haligra mæssæfne þærinne, ond .xxvi. cildru ond án tæcere aswulton. Ond twegen aswulton in husum. God sie mid hira cynnum. Ond on .iii. dæge Blotmonðes þa .xxix. wurdon gebyrgede ætgædre.
- Man macaþ .lxvii. Apache guðwingwindendas æt Gifle in Sumersætum3), ond on þissum dæge wearþ widcuþ þæt maran þonne healf hira sculon gán in fyrdheddærne æt Scrobbesbyrig4) and ne to guðe, þurh greatan wanan hira drifera ond þurh unfulfremmingum.
1) Crowborough in Sussex in England.
2) Beswick. The name means "box-tree dairy farm".
3) Yeovil in Somerset.
4) Shrewsbury.
Anno MMII Blotmonað
- In þissum geare wæs heard dryhþ in Ethiopiam, and þe lencteniscan regnas ne feollon, ond þa æftersumoriscan regnas wæron swiðe lytle, ond is wen hungres for .xv. millionum folca. On dǣl Ethiopae is wielleland for Níl-ea ond is wen wanan wætres for Ægypte. Godes miltse sie. In þissum monaðe in Guangdong underrice in Cinalande ongann niw seocnesse lungena gehaten SARS, þe is Severe Acute Respiratory Syndrome.
- i d: Her Nelson Mandela eode to Dianae æþelingene byrgne æt Ollaþorpe in Norþhamtunscire.
- iii d: Her in Ecuadore se fyrbeorg La Reventada onwac ond his æsce feoll in Quito ceastre.
- Her in Ma'rib scire in Yemene Americisc drifereleas guðcræft þæs CIA gehaten Predator ofsloh mid fyrspere wægn ond siex Al-Qaedisce in him, ond án hira wæs Qaed Salim Sinan al-Harethi þe eac hatte Abu Ali, ond he wæs heah in Al-Qaedan.
- vi d: Her in Gibraltare wæs folccyre to findanne hwæðre man scule gifan to Hispaniam dǣl rices Gibraltares, ond .mdccxc. segdon nic ond .clxxxvii. segdon giese.
- xiii d: Her Brytene fyrfeohteras ongunnon alættan hira geweorc ymb sceattum, swa in níwenglisce hatte strícung. Ond þenden hira strícunga rinnaþ, fyrdmenn móton feohtan þa fýr, mid ealdum fyrdlicum fyrwægnum þe hataþ Gréne Gydena, ond sind .dcccxxvii. Grene Gydena in Brytene.
- Her Saddâm Hussein segde þæt he will alyfian wæpn-insceaweras gan in Iraq.
- Her þæt micle ele-berend Prestige cléaf on anre side in storme neah særiman Galiciae þe is Hispanialandes norþwesterna ende, ond of him fleow micel ele þe macode fulan þone særiman ond fordyde þa sæfiscunge, ond on .xix. dæge hit cléaf in twæm ond sanc.
- xv d: Her in seochuse æt Sancti Eadmundes Byrig seo seocnesse pneumonia anom þa hearmmæran ond láðnaman Myra Hindley, ond heo wæs in carcerne .xxxvi. gearu for þæm þe heo ond Ian Brady acwelledon cildru ond byrgedon hie dyrne in Sadolworþmóre, ond heo lidfe .lx. gearu.1)
- xvii d: Her in seochuse neam Tel Avive forðferde Abba Eban, ond he lifde .lxxxvii. gearu, ond ærra he wæs fyfteon gearu án Israheles þeodtogena.
- xxi d: Her in Sló in Berrocscire in Englalande dema demde þæt Anne æðelingen wæs gyltig mándæde, under þære Frecenra Hunda Æwe, for þæm þe sum hire hunda bát twegen cildru in Windelesóran Greatan Pearroce on fyrmestum dæge Eostermonaðes, ond heo is fyrmest Englalandes cynecynnes þe wearþ gedemed gyltig mándæde.
- xxiv d: Her in Siciliam se fyrbeorg Etna onwac ond menn fuhton hearde wið eam gemoltenes stanes æt Rifugio Sapienza skiðungsetle2), ond mæg weorðan pleoh for Nicolosi ceastre.
- Her in seochuse æt Dundee in Scotlande forþferde David Mcrae þurh þære hundwódnesse þe in Boclædene hatte rabies, ond ærra hréaðmús bát hine, ond he wæs se fyrmest þe wearþ seoc mid hundwódnesse in Brytene in .c. gearum.
- xxviii d: Her in gasthuse in Mombasa in Kenya lande sume weargas macode utberstung ond fyr, ond aswulton þreo Israhelisce ond nigon Kenyisce. Ond sume scuton twegen fyrspere to lyftcræfte þenden hit fleag þanon to Israhele, ac God gaf þæt bá missedon. Ond in æfterdagum mara þonne .ccc. wæpnedmenn Israheles fyrdum ond þæs dyrnþeowotes Mossad flugon to Kenyan.
1) Bury St.Edmunds, Saddleworth Moor.
2) ski center.
Anno MMII Geolmonað
- i d: Her in Lundene wurdon acennede geanlæhte getwinnas Zainab ond Jannat Rahman, ond in Æftergeole geares .mmiii. man getwæmed hie in Great Ormondstræt seochuse in Lundene, ond hie begen libbedon. Ond hie sind mægd, ond hie wæron thoracopagus.
- iii d: Her Jan Harlik wæs fore deman æt þæm Old Bailey in Lundene for þiefðe frætwa Dianae æþelingene, ac Brytene wealdere demunga1) lagode þæt he sie ne gyltig.
- iv d: Ymb þissum dæge ymb Sidney ceastre in Australiam wæron þa greatostan wealdfýr in .c. gearum ond heard dryg wind of westwestenne draf hie.
- Her in Suðafricam wæs eclipsis þære sunne.
- Her man anom ealle setlwaran of Sangatte fleogendsetle neam Calais in Francrice ond sendedon hie to Brytene, ond hie sind .mcd., ond manige hira sind Kurdas of Iraqe.
- v: Her Israheles fyrd fór in Gaza-lande ond teon Palestinisce aswulton in gefeohte oððe maran.
- xxv d: Her in dǣlum Americae wæs heard wind ond snaw þurh Geole.
- Her Israheles fyrd eodon ut of Beþleheme for Christes mæssdæge.
- xxvi d: Her Israheles fyrd eode ongean in Beþlehem. Ond in Qabatîya wice in Westiordanum Israheles fyrd asceat Hamza Abu Rob ond he wæs heretoga þæs weargheres Islamiscan Jihâdes.
- Her Americisc sectus gehaten þa Raeliens segde þæt sum his macode wifes cild gehatene Eve ond heo is clonus hire modores, ac sume secgaþ þæt þis is forléogung. Ond se sectus geleofaþ þæt woruldrum-ellorwihtas2) macode þa ærestan menn.
- xxxi d: Ymb þissum dæge heard regen macode flod in Englalande. Ond se hweolstorm Zoe fordyde Anuta ond Fataka ond Tikopia ieg in þæm Solomon-iegum mid winde þe wæs swiftora þonne .cc. mila in stunde. Ac nænig aswealt þurh þissum.
- Her in Dofer-nearwum þæt greate wægnberendscip Tricolor sloh scip ond sanc, ond hit bær .ccc. niwe wægn. Ond in æfterdagum twa scip slogon þæt Tricolor.
1)Director of Public Prosecutions.
2)space-aliens.
(to next year)